தூய்மை இந்தியா திட்டம் குறித்து மாணவர்களுக்குப் பயிற்சி அளிக்கும் திட்டத்தின் தூதராக பாலிவுட் நடிகை தியா மிர்ஸா தூதராக நியமிக்கப்பட்டுள்ளார். இந்தத் திட்டத்தின் கீழ் 2 ஆயிரத்துக்கும் மேற்பட்ட மாணவர்கள் சேர்க்கப்படுவர். அவர்கள் நாடு முழுவதும் உள்ள 10 ஆயிரம் பள்ளிகளில் தூய்மை இந்தியா திட்டம் குறித்து எடுத்துக் கூறி, உறுதிமொழி ஏற்கச் செய்வர்.
மத்திய அரசின் இந்தத் திட்டத்தை முன்னெடுத்துச் செல்வதற்கான தூதராக நடிகை தியா மிர்ஸா நியமனம் செய்யப்பட்டுள்ளார். இதுகுறித்து திட்டத்தின் இயக்குநர் பிரவீண் பிரகாஷ் தெரிவிக்கையில், "தூய்மை இந்தியா திட்டம் இளைஞர்களைச் சென்றடைய வேண்டும் என்பது எங்கள் லட்சியம். திட்டத்தின் தூதரான தியா மிர்ஸா, நாடு முழுவதும் உள்ள பள்ளி, கல்லூரி மாணவர்களிடம் தூய்மை குறித்து விழிப்புணர்வு ஏற்படுத்துவார்' என்றார்.
No comments:
Post a Comment