இங்கிலாந்தைச் சார்ந்த ஜாலி லேர்னிங் லிமிடெட் நிறுவனத்தின் நிறுவனருக்கு பாராட்டு விழா

சென்னையில் இயங்கிவரும் வேலம்மாள் கல்விக் குழுமம், இங்கிலாந்தைச் சார்ந்த ஜாலி லேர்னிங்  லிமிடெட் நிறுவனத்தின் நிறுவனரும், மேலாண்மை இயக்குநருமான திரு. க்ரிஸ் ஜாலி அவர்களுக்கு பாராட்டு விழா நிகழ்த்தியது.  அதன் பிறகு திரு. ஜாலி அவர்கள் வேலம்மாள் பள்ளியில் நடைபெற்ற “ஒரு நாள் ஜாலி ஃபோனிக்ஸ் சான்றளிக்கப்பட்ட ஆசிரியர் பயிற்சிப் பட்டறையில்’’ கலந்துகொண்டார்.  இந்தப் பயிற்சிப் பட்டறை சென்னையைச் சார்ந்த ‘ஃபோனிக்ஸ் பவர்’ நிறுவனத்தைச் சார்ந்த திருமதி. எஸ்.வி. கோமதி மற்றும் திருமதி. ஷாலினி தேவி ஆகியோரால் வேலம்மாள் பள்ளியில் நடத்தப்பட்டது. 

இந்தச் சான்றளிக்கப்பட்ட ஆசிரியர் பயிற்சிப் பட்டறையில் சென்னை மற்றும் தமிழ்நாட்டின் அனைத்துப் பகுதிகளிலும் இருந்து வந்த 250 ஆசிரியர்கள் கலந்துகொண்டு பயனடைந்தனர். ஆங்கில வார்த்தைகளை எந்த விதக் கஷ்டமும்  இல்லாமல், எளிமையாகவும் நம்பிக்கையுடனும் மாணவர்கள்  படிக்கவும் சரியாக உச்சரிக்கவும் கற்றுக்கொள்ளும் பொருட்டு தொடங்கப்பட்ட - உலகம் முழுக்க ஏற்றுக்கொள்ளப்பட்ட புகழ்பெற்ற பாடத்திட்டத்தை தன்னகத்தே கொண்டுள்ள நிறுவனம் தான் ஜாலி ஃபோனிக்ஸ் ஆகும்.