திருட்டு வி.சி.டி’ படத்தைத் தொடர்ந்து ‘காதல்’ சுகுமார் இயக்கும் இரண்டாவது படம் ‘சும்மாவே ஆடுவோம்’. முழுக்க முழுக்க காமெடியாக உருவாகியுள்ள இப்படத்தில் கூத்து கலைஞர்கள் பற்றியும், தற்போதைய சினிமாவில் கூத்து கலையின் பாதிப்பு குறித்தும் சொல்லியிருக்கிறாராம் சுகுமார். ஸ்ரீரங்கா புரொடக்ஷன் சார்பில் டி.என்.ஏ.ஆனந்தன் தயாரிக்கும் இப்படத்தில் அருண் பாலாஜி ஹீரோவாக அறிமுகமாகிறார். சர்வதேச அளவில் புகழ் பெற்ற நீச்சல் வீரரான அருண் பாலாஜி, குற்றாலீஸ்வரனின் சாதனையை முறியடித்தவர் என்பது குறிப்பிடத்தக்கது.
நாயகியாக லீமா பாபு நடிக்கிறார். இவர்களுடன் டி.என்.ஏஆனந்தன், அர்ஜுன், பாலா சிங், பாண்டு, ராபர்ட், யுவராணி, கொட்டாச்சி, போண்டா மணி, உதயா, மனோ, ரவி, சுஜித், அம்மு மற்றும் பல முன்னணி நட்சத்திரங்களுடன், 45 முன்னணி காமெடி நடிகர்களும் நடித்துள்ளார்கள்.
ஸ்ரீகாந்த் தேவா இசையமைத்துள்ள இப்படத்தின் பாடல்களை முருகன் மந்திரம், அஸ்மின் ஆகியோர் எழுதியுள்ளார்கள். வில்லியம்ஸ் ஒளிப்பதிவு செய்ய, சதிஷ் பி.கோட்டாய் படத்தொகுப்பு செய்துள்ளார். மதூர் எஸ்.சிவா கலையை நிர்மாணிக்க, டேஞ்சர் மணி சண்டைக்காட்சிகளை வடிவமைத்துள்ளார். பாலகுமாரன், ரேவதி, தினா, ஜாய் மதி ஆகியோர் நடனம் அமைத்துள்ளார்கள்.
No comments:
Post a Comment